روايات عن الحب| الفتاة البسيطة
روايات عن الحب
اليوم سنستعرض في موقع سمو الامير قصة من قصص حب عربيه ، وهي من احسن قصص الحب ، وهي من تصنف من قصص حب ووجع ، فهذا النوع من قصص حب رومانسية يجعلك تدخل بداخل القصه لانها قصه كالمحادثه ، واذا رأيت ان الروايات عن الحب هذه تعجبك لا تنسي مشاركة هذه ال قصص رومانسية ، هيا لنبدأ فالقصه تحت تصنيف " قصص حب " ...
" الفتاة البسيطة " قصص حب وغرام
-بابا متسأله كدا جايب الكتاب دا من فين عشان انا معرفش اي مكتبات هنا
=انا عارف يا بابا ، روحي انتى ع البيت وانا هبقى اقولك
-حاضر
'سبت بابا ومشيت ، معرفش ليه ملامح الشاب دا طبعت ف دماغي ، لحيته ، نضارته، وقفته ، كل حاجه مع انى غضيت بصري عنه انا لمحته بس وانا مبركزش مع حد ومفيش حد قبل كدا علق ف داغي بالشكل دا ، فضلت فتره كبيره جدا حوالى 3 شهور مشفتوش ولسه معلق معايا ، كنت بحاول امنع نفسي من التفكير فيه بكل الطرق ،عايزه احافظ ع قلبي ومعلقهوش بحد اصل مش هينفع كدا '
-الاء الاء الاء الحقيييي
=خير يابنتى فيه اييه
-شوفته النهارده يالهوووي ، انا مش عارفه في ايه والله بس انا مبسوطه
=شوفتيه فييين احكييلي بسرعه
-كنت رايحه الجامعه ومكنش في مكان غير ف الكرسي الاخير ، فاضطريت اركب
=ها وبعدين
-انا وبقعد وبحط الشنطه بينا كدا لقيته هو ، اتسمرت مكانى ومكنتش قادره اخد نفسي
=كمان قعدتي جنبه
-وانا مالي الله ،ربنا اللي اراد بكدا
=طب كملي كملي
-خرجت كتاب التجويد وفضلت اقرأ فيه وهو فضل يقرأ قران بصوت خفيف جدا كدا ، غصب عنى ركزت معاه
=يعنى هو من نفس البلد ع كدا ، الله الله
-انا غلطانه اني بحكيلك ، يابارده
=طب انتى عرفتى اسمه ولا اي حاجه عنه !
-لا مهو دا اللي مجنني انا مركزه معاه كدا لييه ، معرفش عنه اي شيء ولا اسمه ولا اهله ولا طبعه ولا حاجه خالص
=طيب زي الشاطره كدا خرجيه من دماغك واللي فيه الخير هيحصل
-الله المستعان انا بدعي ربنا يشيله من قلبي اصل مش طبيعي اللي انا بعمله ف نفسي دا
'قفلت مع الاء وع قد مكنت مبسوطه ع قد مكنت مضايقه ع اللي بعمله ف نفسي دا وازاي افكر واعلق قلبي بحد مش بيفكر فيا اصلا ولا ع باله ، قومت اتوضيت وصليت وفضلت ادعي ربنا كتيير انه يهديلي قلبي ويشيله من دماغي وتفكيري ، شغلت نفسي ف الكتابه وبقيت بكتب كلام كتير جداً عنه من غير قصد ، حاولت اشغل نفسي بالقراءه لقيتنى بشوفه ف كلام كتير ،الملامح مش راضيه تختفي من ذاكرتي بكل الطرق ، استغفرت كتير ودعيت ربنا يقدملي الخير'
-انا بقيت بحب الباص دا اووي
=الباص بردوو
-ايوا الباص ، اصله طراوه كدا ومريح
=يبقى شوفتيه تانى طالما طراوه
-ايوا ، بس مركبتش جنبه ، هو قعد ورايا وانا قعدت قدامه
=وايه كمان
-مكنتش قادره اتنفس بجد وكأني متكهربه ، قالي اتفضلي الاجره ، فتحت ايدي عشان يحطها ع الجوانتى وبعد كدا بصيت قدامي
=بصيتى قدامك!!
-ع فكره والله والله والله ف كل المرات اللي شوفته فيها كنت بلمحه بس واغض بصري عنه
=ايوا ايوا مانا عارفه
-بتتت انتى فصيله امشي من هنا
=خلاص يا هدى قلبك ابيض الله
-طب اغنيلك !
=انا بقول كدا هتتأخري ع المحاضرات ولازم تقفلي حالاً
-خزان احزان
=خلاص يا حنينه غنييي
-مانا كنت هغني اصلاً من غير متقولي
=طب كان يوم حبك اجمل صدفه عشان بحبها
-" كان يوم حبك اجمل صدفه ، لما قابلتك اجمل صدفه ، ياللي جمالك اجمل صدفه ياللي جمالك اجمل صدفه كان يوووم حبك صدفه "
=مهو لازم يكون اجمل صدفه بحالتك دييي
-طب اسمعي ديي
"اسمر ياسماراني مين قساك عليا ، لو ترضى بهواني برضو انت اللي ليا "
=يختااي يختااي يختااي ، انتى ميتسكتش عليكي لأ
-الحقي الحقي
=في اييييه
-ملك بنت خالي عملتلي منشن ف بوست ع بيدج البلد ، ببص ع اللي منزل البوست حسيت انه مش غريب ، دخلت ع الاكونت لقيته هو ، هوو يا الاء هو
=دا ايه دا بقى
-خدي الكبيره بقى
=طلع متجوز!!!!!
-يخربيت بوزك فال الله ولا فالك يا شيخه
=اومال ايه الكبيره يا قدري
-دخلت ع الاكونت لقيته متصور مع باباه ومنزل الصوره
=ايوا مهو مش ابن حرام حق ابوه عليه انه ينزله صوره دا ابوه برضو
-يابوما مش دي المشكله
=اومال ايه خير
-باباه طلع عمو مصطفى صاحب بابا ، وانا قابلته قبل كدا واتكلمت معاه بس غضيت بصري عنه مكنتش اعرف ان هو دا
=يا سبحان الله ،طب اتكلمتى معاه ازااي
-كنت بره وبسأل ع طلب للبيت ، ف طنط قالتلي هتلاقيه عند عمو مصطفى، روحت هناك كان في شاب قاعد ولابس نضاره انا اتكسفت وبصيت ف الارض قولتله ع الطلب قالي مش موجود قولتله هيجي امتى قالي بكره باذن الله ، بس مروحتش جبته وبعت اخويا ياريتنى كنت رووحت
=مدلووقه والله مدلووقه
-لا عيب عليكى يا بنتى انا اعلق ومتعلقش
=لا مانا واخده بالي ، طب معرفتيش اسمه اييه !!
-مش عايزه اصدمك
=يبقى احمد
-للاسف ايوا والموضوع عاملي قلق هههههه ، كل اللي اسمه احمد ملوش امان
=انتى عارفه موقفي منهم بس لعله يكون طفره من وسط الاحمدات كلها ويكون كويس
-انتى مش ملاحظه حاجه
=خيالنا بقى واسع ايوا انا عارفه ههههههه
-بقولك ايه ،انا هدخل اعمله بلوك
=انا بقول كدا برضو عشان طالما عرفتى الصفحه مش هتتهدي ابداً
-والله والله والله مهفتح صفحته تانى غير ليلة الاستخاره ولما الاقي قبول
=هو انتى لسه هتقبلي !! دانتى متدهوله خالص اصلا
-لا وكمان بقولك استخاره وبتاع وهو تلاقيه بيشرب شاي وولا هنا اصلا
=انا بقول ننام يا هدى يا حبيبتى عشان قعدتنا مع بعض لوش الفجر دي خطر علينا
-عندك حق والله ههههه
'قفلت مع الاء ومكنش جايلي نوم خالص ، فضلت افكر كتيير واقول لنفسي مجايز هو بيحب بنت تانيه او مش ف دماغه اصلا ولو ربنا كرمه بزوجه غيري ايوا هزعل لكن دا نصيب ، فضلت ادعي ربنا بالزوج الصالح ومش مخصصه الدعوه باسمه مع ان قلبي متعلق بيه ودا عشان لو ربنا مأرادش متوجعش واقدر اتأقلم بسرعه ، فضلت ع حالي دا 9 شهور من شهر 2 الي فات وانا ع حالى دا ، كرهت نفسي وكرهت الوضع اللي انا فيه كنت عايزه احافظ ع قلبي طب لو اتجوزت حد تانى ايه ذنبه انى اعلق قلبي بحد قبله ، لحد م فيوم كنت خارجه مع بابا ورايحه عند عمتى ، لقيت عمو مصطفى واحمد جاين قصادنا ف بابا وقف سلم عليهم
-اهلا اهلا ، واحشني ياراجل والله عاش من شافك
=انت كمان واحشنى يابو احمد عامل ايه
-ف نعمه الحمد لله
=ازيك ياحمد يابني عامل ايه خلصت ولا لسه
-الحمد لله يا عمي خلصت من سنه وبحضر ماجستير اهو
=ربنا يرزقك يارب ويسرلك امورك ،وعقبال مشوف هدى بنتى زيك كدا
'انا كنت واقفه زي الفار المبلول طبعاً محدش اخد باله لانى لابسه النقاب بس انا وشي قلب الوان وكنت حاسه نفسي هسورء انا و واقفه ، بصيت ف الارض وفضلت افرك ف ايدي '
-ازيك يا هدى يا بنتى عامله ايه
=الحمد لله يا عمو ازي حضرتك
-بخير يا حبيبتى الحمد لله
'شديت بابا وقولتله مش يالا بقى ، ومشينا انا مش عارفه ازاي ربنا قدرني انى اكمل الطريق ، قلبي كان هيقف وضرباته بقت بسرعة البرق ، فضلت استغفر كتيير جدا لحد مهديت وروحت عند عمتي وجيت ، معرفتش انام ف اليوم دا وفضلت اسبوع تقريبا ع نفس الحال كدا لحد مفيوم كنت قاعده انا وبابا وماما وبناكل ف بابا وجهلي الكلام
-هدى
=نعم يا حبيبي
-فاكره احمد ابن عمو مصطفى
'هو انا بفتكر حد غيييره '
=مش اخده بالي لأ
-اللي كان من اسبوع ووقفت سلمت عليه
=ايوا افتكرت
'كدابه اووي والله '
-ايه رأيك فيه
'رأييي ! دانا لو قولتلك رأيي هتتبرى مني ، اقول ايه ولا ايه بس '
=عادي يابابا شاب كويس واللي اعرفه انه ملتزم وكدا
-حلوو
'هو حلو بعقل ،يختاااي دا بابا لو عرف اللي بيدور ف عقلي هيعمل منى شاورما '
=خير يابابا في حاجه ولا ايه
-اصله متقدملك وانا اديته معاد وهيجي بكره هو وعمو مصطفى
'الاكل وقف ف زوري وشنقت وفضلت اكح وتنحت كدا ،حد يخبطني ع دماغي بس ويقولي اصحي '
=يتقدم لمييين !! يتقدملي انا !
-اومال هيتقدملي انا ياريت كان ينفع
'ضحكت ،كنت قاعده مش ع بعضي اصلاً قومت من ع الاكل وجريت اتوضيت وصليت ، معقول يارب ! معقول بعد سنه كامله حيره وتفكير يحصل ! لطفت بقلبي يارب ،انا مش مصدقه نفسي مش مصدقه وربي ايييه الجمال والكرم داا ، بعد مصليت جريت ع الاء وقولتلها ، عدا اليوم وكأنه سنه مكنش راضي يخلص ، صحيت الصبح وجهزت كل حاجه الفستان والخمار كنت كل شويه اجري ع الحمام اغسل وشي عشان اتأكد انى صاحيه وان دا مش حلم، لبست وجهزت نفسي فدخلت ماما '
-اللهم باارك اللهم بارك ، حضرتك متهمه بسرقة قلبي يا فندم
= هههههههه بتروشي عليا ياماما
-فرحانه بيكِ يا قلب ماما
=طب مش يمكن متكملش !!
-لا هتكمل قلبي بيقولى هتكمل
=بجد !!
-ايوا بإذن الله
=يسمع من بوقك ربنا
-يابت بطلي دلقه هتموتي مدلوقه
=هههههههه مش مدلوقه انا جامده اهو
-طب يلا عشان الناس بره
=نااس ! ناس ايه .. ناس مين طب استنى شويه طيب
-يلا يابت متفضحيناش
=حاضر اهو
'خرجت ودخلت مع ماما ، مبصيتش وكانت عينى ف الارض ، قعدت جنب بابا، وفجاه سمعت جملت طب هنسيبكم تتكلمو مع بعض شويه ، كان هاين عليا اشد ماما واقعدها جنبي بس معرفتش، لقيته اتحرك من مكانه وقعد قريب مني ، رفعت عينى عليه لأول مره اشوف عينه من غير النضاره ، ياربي اييه دا معقول الجمال دا مستخبي تحت النضاره ،اول مره حد يخطف قلبي بنظره كدا '
-فاكره يوم مجيتي تسألينى ع طلب ف المحل وقولتلك هيجي بكره !
'الا فاكره وهو اليوم دا راضي يتشال من دماغي اصلا'
=ايوا فاكره
-الطلب كان موجود ع فكره وسبحان الله معرفش قولتلك هيجي بكره ليه ، بس اللي اعرفه اني كنت عايزك تيجي المحل تانى ومش عارف وقتها كنت هقولك جه ولا مش موجود
=اييه !!
-قلبي اتعلق بنقابك وبغض بصرك عني واختارك من وقتها ، مكنتش عارف ابطل تفكير فيكي مع اني معرفكيش مين ولا اسمك ايه ولا ساكنه فين
=كمل كمل
-سبحان الله شوفتك بعدها اكتر من مره واتفاجئت انك بنت صاحب بابا ، حسيت وقتها بلطف ربنا بقلبي
'لطف ربنا بقلبك ايه بس ، دا لطفه بقلبي وحالي وحيرتي ودعايا ودموعي وشتاتي '
=......
-انا جاي طالب القرب من قلبك قولتي ايه !
=وهو انا اقدر اقول حاجه !
-ايه
=اييه
"ماذا بكَ عن الجميع لتصبح محط اختياري اولاً وآخراً ..💙"
استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...
تعليقات
إرسال تعليق