روايات عن الحب| ريبونزول
روايات عن الحب| ريبونزول |
روايات عن الحب
اليوم سنستعرض في موقع سمو الامير قصة من قصص حب عربيه ، وهي من احسن قصص الحب ، وهي من تصنف من قصص حب ووجع ، فهذا النوع من قصص حب رومانسية يجعلك تدخل بداخل القصه لانها قصه كالمحادثه ، واذا رأيت ان الروايات عن الحب هذه تعجبك لا تنسي مشاركة هذه ال قصص رومانسية ، هيا لنبدأ فالقصه تحت تصنيف " قصص حب " ...
" ريبونزول " قصص حب وغرام
-استنى طيب اخده ف وشك كدا ورايحه ع فين
=سيبينى يا هند دلوقتى عشان العفاريت بتتنطط قدامي
-طيب فهمينى بس
=هدخل اتخانق معاه ، مهو مش بيستعبدنا هنا ، يعنى ايه بعد مسهرت ع المشروع اسبوع بحاله يرفضه يعنى ايه ها ، هي صحتى لقياها ف الزباله !!
-مانتِ عارفه تحكماته وعارفه نظامه ومحدش بيقدر يقوله تلت التلاته كام
=هه ع نفسه الكلام دا مش عليا
-مبلاش انتِ
=قصدك ايه يعنى ، هخاف منه ولا هخاف متنطقي
-لا ياجلبي وانا اقدر اقول كدا
=هو يخوف بصراحه..
-بتقولى حاجه يا مريم !
=لا بقولك اوعي من وشي بقى عشان هدخل اتخانق
'خدت ف وشي ومشيت من المكتب ، وكنت داخله اتخانق مع اني عارفه اني هقف قدامه ومش هقدر اتكلم ، فضلت استغفر واتشاهد واقرأ قرآن طول مانا ماشيه خوفاً من انه يرزعنى كلمه فتجيلي حالة فقد نطق او شلل نصفي مش عارفه '
-السلام عليكم يا بشمهندس
=وعليكم السلام يا بشمهندسه
-تقدر تفهمنى مشروعي اترفض ليه !
=مش حاسه
'حسسيه مفرطه يارب'
=بتقولي حاجه !
-بقول مفهمتش برضو مشروعى اترفض ليه
=مش عاجبني ياستى انا حر
-وانا قولتلك ناسبه ! يعنى ايه مش عاجبك
=كنتي بتفكري ف ايه وانتِ بتعمليه يابشمهندسه
'بفكر ازاي هعرضه ع كائن لزج زيك كدا جتك البلا ف حلاوتك'
=بتبرطمي تقولى ايه
-ها .. لا مفيش كنت بقول ولا حاجه كنت بفكر ف المشروع هفكر ف ايه يعنى
=الاوفر ثينكنج بتاعك كله طافح ع المشروع اللي قدامي
'والله انا اللي مراىتي طفحت منك '
-محصلش دانا كنت مركزه جدا ع فكره
=واضح واضح ع العموم المشروع مروفوض
-طب ادينى فرصه اشرحلك
=مرفوض
-طب ...
=مرفووض
-ربنا ع المفترى والظالم واللي معندوش احساس زيك كدا
=خدي هنا بتبرطمي تقولى ايه
-ها لا بقول ربنا يخليك والله
=طب كنت بقولك في حفله تبع الشركه النهارده والمفروض انك تحضري معايا ياريت متتأخريش
-حااضر
'خرجت وطبعاً كالعاده مبعرفش اخد منه حق ولا باطل ، اصلا ببقى زي الفار المبلول قدامه ، بغض النظر انه صعب لكن ليه كاريزما كدا ووضع يخلى اي حد يسمع كلامه ، كنت مضايقه انه رفض المشروع وكنت بفكر اخزوقه ومروحش الحفله ، ويعمل اللي يعمله بس قولت اقصر الشر احسن ، روحت البيت ويادوب كنت الحق اصلي واكل واريح شويه عشان انزل تانى للحفله وطبعاً هند لازم تكون معايا '
-ايه يا هباب البرك كل دا تأخير
=اهدي يا ست مريم مش ع ملبست وظبط حالي
-طب انجري قدامي لاحسن لو اتأخرنا اكتر من كدا الاستاذ احمد هيطربقها فوق دماغنا
=لا وع ايه ادينى ماشيه اهو
'وصلنا الحفله انا وهند، هو انا مبحبش جو الحفلات دا بس هعمل ايه شر لابد منه اكل عيشي بقى بيقول كدا ، اول مدخلنا ولسه هنقعد لقينا احمد داخل علينا '
-بت يا مريم الحقي الحقي
=شايفه القمر اللي داخل علينا دا
-اتلمي يازفته ، وبعدين قصدك مين
=احمد اهو جاي من هناك اهو
-ان جيتى للحق فهو قمر فعلا ، قصدى بطل دلقه وعدي ليلتك ع خير
=حاضر سكت اهو
'دقيقتين وجه عندنا ع الطرابيزه ، فلقيته ميل عليا كدا وقال بصوت واطي '
-حد يخطف قلب حد كدا
=اييه
-البيبي بلو عليكِ تحفه
=ربنا يخليك والله
-ايه جو الشحاته دا
=قصدي يعنى يستر عرضك وكدا
-بسسسسس تتكلميش تانى
=طب عن اذنك هروح اعمل مكالمه
'قومت من مكانى ومش دريانه بحاجه ، كلمته رنت ف قلبي ، وكنت بنهج كأن حد بيجري ورايا، مكنتش هعمل مكالمه ولا حاجه بس كنت بخلص نفسي من الموقف دا فخرجت وقفت قدام القاعه شويه'
-ايه دا انت من امتى هنا
=من خمس دقايق كدا
-ايه اللي جابك يعنى
=لقيتك اتأخرتى فجيت اطمن عليكِ لتكوني اتخطفتى ولا حاجه
-ياشيخ الملافظ سعد ، وبعدين لو حد شافنا يقول علينا ايه
=يقول واحد ومراته
-نعم!!
=وانتِ تطولي
-هو انا اقصر منك ايوا بس اطول عادي
=طيب ياستى ، هيقولو واحد ومراته
-مرات مييين
=مراتي مهو انا قررت خلاص
-قررت ايه !
=اني هتجوزك
-ومين قالك اني موافقه
=ومين قال انك لازم توافقي
-هو بالعافيه
=لا بالحب يا جمري
-اذا كان كدا افكر
=فكرتي
-عايز الفرح امتى
=يوم الخميس فاضين عندك
-ايوا فاضين
=للاسف انا مش فاضي
-احنا هنهزر
=لا هنتجوز
-ايوا كدا اظبط
"غداً سأخبرك أنني بعد كل هذا التيه وجدتك..♡!"
استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...
استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...
تعليقات
إرسال تعليق