روايات عن الحب| رووز

روايات عن الحب| رووز

روايات عن الحب| رووز

روايات عن الحب

اليوم سنستعرض في موقع سمو الامير قصة من قصص حب عربيه ، وهي من احسن قصص الحب ، وهي من تصنف من قصص حب ووجع ، فهذا النوع من قصص حب رومانسية يجعلك تدخل بداخل القصه لانها قصه كالمحادثه ، واذا رأيت ان الروايات عن الحب هذه تعجبك لا تنسي مشاركة هذه ال قصص رومانسية ، هيا لنبدأ فالقصه تحت تصنيف " قصص حب " ...

" رووز " قصص حب وغرام

-يعنى ايه اجيب صورته قدامي  وافضل اتكلم معاه و اعيط طول الليل بسببه واصحى الصبح اتكلم معاه عادي وكأن مفيش اي حاجه وجعاني !! لأمتى هفضل اعمل ف نفسي كدا 

=عشان انتى مهزأه يا ندى اه والله مهزأه 

-مبهزرش يا اسماء والله انا قلبي وجعنى مبقتش مستحمله بقالى 3 سنين ع نفس الحال بتوجع منه ومقولش وبكتم وبحاول ابين اني عادي بس انا مش عادي فهمانى ! 

=ايوا والله فهماكِ بس بحاول اخرجك من اللي انتِ فيه ، بصي بكره يخطب او انتِ تتخطبي وكل دا ينتهي وتفوقي من كل دا 

-يخطب !!! هو ممكن يخطب ويسبنى كدا ، يعنى هو ممكن يجي ف يوم ويقولى انا رايح اقابلها النهارده !! بالبساطه دي 

=دا امر واقع لازم تسلمي ليه وتتقبليه 

-طب .. طب هو مش عارف اللي جوايا مش حاسس انه محور حياتى حتى لو حاولت اداري واخبي مش عارف ان قلبي مش قادر يشوف غيره ! 

=ممكن تهدي نهايته ربنا لو رايد بيه هيكون بين ايديكى ولو مش رايد بيه هيصرفه عنك 

' قفلت مع اسماء وانا بعيط ، مفيش شيء حصل جديد يخلينى كدا بس جايز الكتمان والضغط خرجوا كل اللي جوايا ، كنت محتاجه ابكي كتيير وبكيت ، فضلت ادعي ربنا يهديلي قلبي ويربط عليه ويخرجه من جوايا ويحط اخر للعلاقه دي انا عارفه ان ربنا مش راضي عنها عشان كدا مشوفتش منها غير كل الوجع اللي ف الدنيا ، فضلت اترجى ربنا انه يقدرني واخد خطوه تغير مجرى حياتى ، لقيت رساله منه فجريت ع الموبايل عشان افتحها ' 

-ندى ، ندى 

=ايوا يا معاذ 

-كنت عايز اقولك حاجه 

=خير يارب ، قولى حاجه 

-انتِ مش كل شويه تقوليلي عايزه افرح بيك 

=ايوا دانا تعبت معاك ف الموضوع دا 

-طيب يا ستى انا قررت افرحك بيا 

'قلبي اتقبض وسكت وضربات قلبي زادت جداً ' 

=ها وبعدين كمل 

-انا بحب واحده وهخطبها وكنت عايز اعرفك عليها 

'واحده !! تعرفني عليها ! طب وانا طب وقلبي طب والسنين اللي فاتت ووجعها راحوا كدا ف الهوا ! ' 

= ايه دا بجد فرحتني جدا والله ، ربنا يتملك فرحتك ع خيير 

-يارب بقى 

=طيب يا معاذ معلش هقفل عشان ماما كانت عايزاني 

-هتفتحي امتى طيب

=مش عارفه 

-طب لما تفضي كلمينى 

'اول مره اتوجع بجد كدا ، احساس مفيش شيء ف العالم كله يساويه ف الوجع والخذلان ، فضلت اعيط كأني عمري معيطت قبل كدا ف حياتى ، جريت ع ربنا وصليت وفضلت ادعي واشكيله ، قولتله انا عارفه يارب انى عصيتك كتيير وكنت عارفه ان علاقتي بيه حرام وكملت فيها ، واهو العله صابت قلبي ، خد بإيدي قوينى وردني ليك انا عرفت ان مليش غيرك ولا هيكون ، وزي معميت قلبه عني يارب انزعه من جوايا برحمتك مش بعملى انا مستاهلش غير الوحش بس انت رحيم بيا يارب ، خلصت صلاه ونمت صحيت  والحزن مخيم ع قلبي بس قررت اخلص من كل دا انا كنت عارفه انه مش ليا ولا هيكون ، فتحت الموبايل وبعتله ' 

-معاذ 

=ايه يابنتى فينك من امبارح 

-معلش كنت تعبانه شويه 

=سلامتك فيكِ ايه 

-شوية ارهاق بس وهيروحوا لحالهم 

-معاذ

=نعم 

-انا قررت انتقب 

=بجد ! 

-ايوا بجد وباذن الله هحاول ارجع لربنا 

=دا شيء جمييل جدا ربنا ييسرلك يارب 

-كنت عايزه اقولك بس ان علاقتنا دي حرام وكدا كدا انت خلاص هتخطب وبكره تتجوز مينفعش نتكلم فانا مش هستناها تيجي منك وادينى بقولك اهو نبعد 

=بتقولى ايه هان عليكِ كل السنين دي 

-مهانتش وارجوك متناقشنيش ف قراري انا بلملم روحي بالعافيه متزودش الوجع اكتر من كدا بالله عليك 

=حاضر يا ندا اللي يريحك 

-خلي بالك من نفسك 

=وانتِ كمان 

-مع السلامه 

'ربنا وحده يعلم قد ايه القرار والخطوه دي صعبه عليا بس كان لازم لازم اخدها ، نزلت اشتريت النقاب ولبسته كنت مبسوطه بيه ومرتاحه جدا ، بدأت احفظ قرآن وسبت الاغانى واتعرفت ع صحبه صالحه كانوا مهونين عليا جدا واخدين بايدي ، كنت بضعف كتير وابقى عايزه اكلمه بس بجاهد نفسي مكنتش عايزه ارجع للصفر وازعل ربنا مني تانى كفايه اللي حصل ، كنت بدعيله كتير جدا بالخيير مقدرتش اكرهه ولا ادعيله بالشر ، عدت سنه وانا ع الحال دا برفض اي حد يتقدملي مش قادره اتقبل فكرة اني اكون مع حد تانى ، فيوم كنت نايمه فلقيت الموبايل بيرن ' 

-السلام عليكم 

=وعليكم السلام ورحمة الله مين بيتكلم 

-نسيتى صوتي ولا ايه 

=مييين !! معاذ ! 

'للحظه فرحت جداً اني سمعت صوته وانه بخير ' 

-انا عارف انك مش عاوزه نتكلم بس انا كنت بعزمك ع فرحي وهكلم عمي كمان استأذنه او هخلى هاجر تكلمه 

=ف.. فرحك ! اها مبارك ربنا يتملك ع خير 

-يارب وعقبالك 

=ان شاء الله هاجي ، ابعتلى اللوكيشن ع الموبايل ولو ماما وافقت هجبها واجي باذن الله

-تمام شكراً جدا انك قبلتى دعوتي 

'حاولت امسك نفسي ومبكيش تانى كفايه اووي لحد كدا ، اللي مستغرباه بس انه عارف انى هتوجع لو شوفته مع واحده غيري ، معقول يكون قاصد يوجعني كدا ! طب ليه ، انا كنتله ام واخت وصاحبه وكل حاجه حلوه ليه بيعمل معايا كدا ليه مش بيراعي وجعي ومشاعري ، فضلت شويه ع السرير بستغفر لعل ربنا يربط ع قلبي وقررت انى مش رايحه الفرح وعادي بقى  واكيد هو بعد ميتجوز مش هيفتكرني اساسا ، قومت اتوضيت وصليت وروحت لماما ع المطبخ ' 

-صباح الخير يا ماما 

=صباح النور يا حبيبتى 

-بتعملى ايه كدا 

=بعمل الفطار ، اها بالحق في حد كلمنى وبيقول انه كان زميلك ايام الجامعه وعزمنا ع فرحه والح علينا انا وابوكِ وقال لازم نحضر 

-هو لحق يكلمك 

=بتقولى حاجه 

-لا يا ماما مفيش بصي انا عارفه دا فرح معاذ وانتِ عارفه اني مبحضرش افراح فمش هروح ممكن تروحي انتِ وبابا تعملوا الواجب وتيجوا بسرعه 

=بس هو قال انك لازم تحضري بعدين احنا منعرفهوش نروح ازاي من غيرك هتيجي معانا خمس دقايق وهنقوم نمشي متقلقيش 

-يا ماما بس 

=مبسش مش هقدر اعتذر لانه اكد علينا جامد 

-حاضر يا ماما الله المستعان 

'فطرت ونزلت اقابل اسماء وبالمره احكيلها خيبتى واللي حصل معايا بعد كل دا ' 

-شوفتى ياستى مش راحم قلبي ازاي الوجع ورايا ورايا انا بقالي سنه بدعي ربنا يشيله من قلبي وكنت بسند نفسي عافيه قوم يجي بكل برود يعزمني ع فرحه ايه الجبروت دا !! 

=لا وعزمني انا كمان وقالي انه هيكلمك 

-كنتي قولتيلي يا اسماء مكنتش رديت 

=مهو كلم اهلك كمان يا فالحه يعنى القضى جاي جاي 

-المهم هنروح مع بعض وخمس دقايق وهنمشي خمسه يا اسماء مش هقدر استحمل اشوفه معاها اكتر من 5 دقايق والله 

=حاضر حاضر متقلقيش انا اصلا مش عايزه اروح 

'جه يوم الفرح صحيت من النوم كأن في جبل ع قلبي مش عارفه في ايه وكل دا هينتهي امتى ، كنت مستنياه يتجوز واليوم يعدي عشان اخلص بقى وارتاح ، قومت صليت وجهزت هدومي ونقابي ، كانوا اسود مفيش غير الكوتشي والشنطه بس اللي كانوا مختلفين ، محدش اعترض طبعاً لانى مش بلبس غير غوامق ، اسماء جاتنى ع البيت وماما وبابا كانوا جاهزين ، نزلنا ع المغرب كدا ، لاقيت بابا رايح ع مكان زي النادي كدا بس صغير شكله جميل جدا هو للمناسبات بس مش فرح يعنى ' 

-انت متأكد يابابا ان هو دا المكان 

=ايوا يابنتى هو قالي كدا واكد عليا كمان 

-يبقى مش عامل فرح كبير وحاجه صغيره كدا ، يلا ربنا يسعده 

'سمعت صوته من ورايا فلقيته بيقول ' 

-ربنا يسعدنا حطي نون الجمع دي لو سمحتي 

=معاذ عامل ايه ايوا صح مبارك 

-الله يبارك فيكِ ياستى 

=اومال فين هاجر وفين الناس ومش لابس بدله يعنى 

-هاجر مين !! 

=اللي هتبقى مراتك 

-اللي هتبقى مراتي واقفه قدامي اهي 

=فين دي مفيش غيرنا هنا 

-مانا عارف 

=انا مش فاهمه حاجه 

-هو انا مقولتلكيش !! 

=مقولتليش ايه

-انا طلبت ايدك من عمي ووافق 

=اييه !! بتهزر صح 

-وعايز اقولك ان كل اللي معاكِ عارفين وانتِ اتغفلتِ عادي جدا

=اسماااااء!!!! 

'لا متبصليش كدا انا مليش دعوه '

=حاضر حاضر حسابنا بعدين 

-انا مش هنكر اني ارتبطت وخطبت كمان وكنت عارف انكبتحبينى وبعدتي عنى عشان مكنتيش هتقدري تستحملى الوضع دا ، وبعترف انى كنت انانى اووي ومفكرتش غير ف نفسي وبس ، لكن اكتشفت انى كنت حمار ومغفل والله وانى لو لفيت الدنيا دي كلها مش هلاقي ضفرك ، طالب منك بس انك تسامحينى وتدينى فرصه اعوضك عن كل السنين اللي اتوجعتي فيها بسببي فرصه بس يا ندا 

=هو دا بجد ولا انا بحلم وهفوق ع وجع قلبي تانى !! 

-مفيش وجع بعد النهارده باذن الله عمرى مهأذيكِ تانى ودا وعد 

=معقول ربنا رضاني بعد كل دا ، معقول كل اللي عملته مرحش ف الهوا 

-بضاعتك والله ورجعتلك بضاعتك ومينفعش تكون بضاعة غيرك ، تقبلي تكونيلي بيت من تاني 

=عمري مقبلت اكون بيت لغيرك

"لكنك هنا بكل ما أُتيتَ من هجرٍ..!🖤"

استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...