روايات عن الحب| طفلتي
روايات عن حب| طفلتي |
روايات عن الحب
اليوم سنستعرض في موقع سمو الامير قصة من قصص حب عربيه ، وهي من احسن قصص الحب ، وهي من تصنف من قصص حب ووجع ، فهذا النوع من قصص حب رومانسية يجعلك تدخل بداخل القصه لانها قصه كالمحادثه ، واذا رأيت ان الروايات عن الحب هذه تعجبك لا تنسي مشاركة هذه ال قصص رومانسية ، هيا لنبدأ فالقصه تحت تصنيف " قصص حب " ...
" طفلتي" قصص حب وغرام
-حيلك حيلك عيدي تانى الآيه دي كدا
=احم "وجعل بينكم مودة وغحمه "
-غحمة ايه بس ، اسمها رحمه قولي رررررر وطلعي لسانك
=غغغغغغغه
-هههههههههه همووت رررررره
=ع فكره انت باغد اوي ومبتعملش حاجه غيغ انك بتتمألس عليا، وقوم بقى من جنبي ، مش مكمله
-لا خدي خدي هتروحي فين
=همشي
-هتمشي فين
=اوضتي
-هههههه طب تعالي بس اقولك كلمه
=لا مش عايزه منك حاجه
-طب تعرفي ، احلى حاجه فيكِ لدغتك دي ، تقريبا هي اللي بتصبرني ع صعوبة الايام ، بحسك بنتى قبل متكوني مراتى
=هيييح وايه كمان..!
-وايه كمان يا واد يا انس وايه كمان ! حفظتى الورد بتاعك ولا مستنيانى اديكِ كلمتين ف جنابك الاول
=كنت بتقولى انك جعان مش كدا خمس دقايق واحضرلك الاكل يا زوجي يا قغه عينى
-اقعدي هنا
=طب براحه .. قعدت اهوو
-محفظتيش ليه
=اقول الحقيقه !!
-اخلصي يا شروق محفظتيش ليه ؟
=اصل الحزب دا طويل جدا وصعب استنيتك تحفظهولى
-......
= بتبصلي كدا ليه !
-نفسي ف مره اكمل زعيق معاكِ للاخر بقلب بطه بلدي قدام ملامحك البريئه دي
=كلمتين تانى وهيغمى عليا هنا
-طب تعالى قربي هنا
=اقرب لييه !
-عشان لما يغمى عليكِ حضنى يلحقك
=انت قليل الادب ع فكره ، واوعى بقى من هنا
-ياهبله انتِ مراتي وانا جوزك
=ايه دا ايوا ايوا سوغى اندمجت ، ها وايه تانى
-تحفظي الورد حالاً معاكِ ربع ساعه هدخل اعملك سندوتشات واجي الاقيكِ حفظتى
=مكنا حلويين ، دا ايه ياخويا الغجاله النكديه ديي
-هنبقى حلوين بس احفظى الاول
=طب كنت عايزه اسألك سؤال
-ارغي
=هو انت ممكن تتجوز عليا !
-انا متجوزك انتِ بالعافيه هعرف اجيب غيرك !!
=يعنى لو كنت تعرف كنت هتتجوز !
-لا يا حبيبتى مقدرش
=طب لو متت !!
-اتكلي ع الله انتِ بس وسهله
=ايييه !
-قصدي بعد الشر عليكِ يا حبيبتى وهو انا اقدر اعيش من غيرك
=بحسسب
-طب مش هنحفظ بقى
=طب سؤال تانى
-لا
=دا وبس دا وبس
-اشجيني
=هو القلم اللي بنكتب بيه ونفضل محتوينه وحضنينه لما بنسيبه ويفقد احساس الاحتواء بيكون حاسس بايه !
-شروق الساعه ف ايدك كام ؟!
=9
-حلو يعنى مجتش 12 ، الاوفر ثينكنج دا بيعمل ايه ف الساعه دي !
=مش عارفه بس اتفضل جاوبنى
-اتنيلى احفظي يا شروق
=طب جاوبنى وهحفظ والله
-عارفه الخازوق بيحس انه اتخزوق كدا بالظبط
=يا قلبي عليه
-يا قلبي انا اللي هيتجلط دلوقتى
=خلاص خلاص سكت اهو
-طب هدخل اجيب السندوتشات واجيلك
=انسسس
-ايه تانى
=متقومش خليك قاعد وانا هحفظ والله بس متقومش
-شكلي هضعف وهنبقى الحفظ النهارده
=دي فكره هايله
-طب عقاباً ليكِ هتحفظي وردين
=يوووه انت بتعاملنى كدا ليه انت معندكش عيال !
-لا معنديش عيال غيرك يا قمر انت
=انت لو عايزني احفظ المصحف كله دلوقتى مش هقولك لأ
-ههههههه اتنيلى انتِ قادره ع الورد بتاعك
=سيبنى انصب بغاحتي لو سمحت
-عايز اعترفلك بحاجه
=خونتنييييي ، هونت عليك يا انس بعد كل العشره دي تخوني !!
-خونتك ايه بس يا بنت الهبله ، ثم ان احنا مبقالناش شهر متجوزين
=ولو برضو متجوزيين ، اومال هتعترفلي بايه .. اوعى تقول ان انت
-انا ايه !
=اللي اكلت صينية المكرونه اللي كانت ف الفغن امباغح
-ع فكره انا صحيت الساعه 2 لقيتك متربعه وبتاكلي فيها لوحدك ورميتى الصينيه بعد مخلصتيها ف الحوض!!
=جعانه مكولش يعنى انت متجوزني عشان تنيمنى جعانه !
-لا اله الا الله وانا قولت حاجه بس اهو بترميها عليا وانتِ اللي اكلتيها ..
=طب خلاص خلاص قول كنت هتعترف بايه
-انا هقول فعلا قبل متلبسينى مصيبه تانيه دلوقتى
=هههههههه اسد يابنى في ايه
-كنت عايز اعترفلك انى لو لفيت الدنيا دي كلها مش هلاقي واحده احبها زي مبحبك ،مستحيل الاقي التفاصيل دي ف حد تانى ، ومستحيل الطفوله والبراءه دي يتواجدو ف شخص غيرك حتى لو اتواجدوا انا مش عايز غيرك ، زوجه صالحه تصوني وتتقي ربنا فيا وتعاملنى كأبن هحتاج ايه تانى اكتر من كدا !
=طبعاً طبعاً انا كنت اخر نسخه ف السوق ومش هينزلوا مني تانى للاسف حظك حلو لحقتنى
-وكنت عايز اعترفلك بحاجه تانيه
=هييييح ايه
-انسي كل الكلام اللي قولته من دقيقه دا اعتبرينى مقولتش حاجه
=لأ انت قولت
-لا مقولتش
=افرد ايدك كدا بس
-ملكيش دعوه بايدي
=افرد بسس
-اهوو
=قولت والله
-انتِ بتعملى ايه !!
=ششششش ، هات ايدك التانيه
-اهي
=نكمل خناق بكره
-هبله والله
=وبحبك
-شرووق
=بس بقى
-طب والورد
=بعدين بعدين
-طب ايدي
=شششش تصبح ع خيير
" اجدني طفله بين ثناياك..💛"
استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...
استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...
تعليقات
إرسال تعليق